India vs England 5th Test: ధర్మశాలలో జరుగుతున్న 5వ టెస్టు మొదటి రోజుకు ముందు భారత జట్టు కూర్పులో కెప్టెన్ రోహిత్ శర్మ మరియు కోచ్ రాహుల్ ద్రావిడ్ టెస్ట్ జరిగే ధర్మశాల (Dharamshala) లోని తేమ పరిస్థితులకు అనుగుణంగా జట్టులో మూడవ సీమర్ ని ఆడించాలనే భావనలో ఉండటంతో స్పిన్నర్ కుల్దీప్ యాదవ్ (Kuldeep Yadav) ప్లేయింగ్ 11 లో ఉంటాడో లేదో అని అనిశ్చితిలో ఉన్నాడు. కానీ ఏ పరిస్థితులలోనో వారు ప్రయోగానికి బదులు కుల్దీప్ ని జట్టులో కొనసాగించారు. మొదటి రోజున కుల్దీప్ యాదవ్ 5 వికెట్లు పడగొట్టడంతో జట్టులో నెలకొన్న అన్ని సందేహాలను పక్కకు తీసివేసి ఇది గొప్ప నిర్ణయంగా మారింది.
కుల్దీప్ యాదవ్ ధర్మశాలలో ఫైర్‌తో ప్రపంచంలోనే అత్యంత వేగంగా (the fastest) 50 వికెట్లు తీసిన స్పిన్నర్‌గా నిలిచాడు. ఎడమచేతి వాటం స్పిన్నర్ 1,871 బంతుల్లో 50 టెస్ట్ వికెట్లు సాధించాడు. సుభాష్ గుప్తే, ఎర్రపల్లి ప్రసన్న, అక్షర్ పటేల్‌లతో కలిసి 50 టెస్టు వికెట్లు తీసిన ఆరో భారత స్పిన్నర్‌గా కుల్దీప్ యాదవ్ వేగంగా నిలిచాడు.
సౌత్ ఆఫ్రికన్ ప్లేయర్ పాల్ ఆడమ్స్ మరియు ఇంగ్లాండ్ కి చెందిన జానీ వార్డల్ తర్వాత, ప్రపంచంలోనే కుల్దీప్ యాదవ్ 50 టెస్ట్ వికెట్లు తీసిన మూడవ ఎడమచేతి వాటం స్పిన్నర్‌గా నిలిచాడు.
ధర్మశాలలో భారత స్పిన్నర్లు కుల్దీప్ యాదవ్, రవిచంద్రన్ అశ్విన్ మరియు రవీంద్ర జడేజా బౌలింగ్‌లో ఇంగ్లండ్ బ్యాటింగ్ ఆర్డర్ 218 పరుగులకు ఆలౌటైంది. జాక్ క్రాలే మరియు బెన్ డకెట్ ప్రారంభ జోడీ 64 పరుగుల భాగస్వామ్యాన్ని నెలకొల్పిన సమయంలో కుల్దీప్ యాదవ్ డకెట్ (Duckett)ను అవుట్ చేసి ఆతిథ్య జట్టుకు తొలి బ్రేక్ ఇచ్చారు.
భారత్‌పై మొదటి నుంచి అద్భుతంగా కనిపించిన ఓలీ పోప్ మరియు జాక్ క్రాలే యాదవ్‌కు తదుపరి బాధితులుగా నిలిచారు. భారత్ నాలుగో వికెట్‌గా జో రూట్‌ను రవీంద్ర జడేజా అవుట్ చేశాడు.
Also Read :IND vs ENG : ఇంగ్లండ్‍తో చివరి టెస్టుకు భారత్ రెడీ, టాస్ గెలిచి బ్యాటింగ్ ఎంచుకున్న ఇంగ్లండ్.
జానీ బెయిర్‌స్టో, కెప్టెన్ బెన్ స్టోక్స్ ను అవుట్ చేయడం ద్వారా వరుసగా రెండు వికెట్లు పడగొట్టినాడు కుల్దీప్ యాదవ్. ధర్మశాలలో 100వ టెస్టు మ్యాచ్‌ ఆడుతున్న రవిచంద్రన్ అశ్విన్ కోసం అందరూ ఎదురుచూస్తున్న తరుణంలో అతను బౌలింగ్ కు వచ్చాడు.
స్పిన్ మాంత్రికుడు రవిచంద్రన్ అశ్విన్ ఇంగ్లండ్ ఇన్నింగ్స్‌ను ముగించడానికి నాలుగు వికెట్లు పడగొట్టాడు మరియు ఆతిధ్య జట్టు 218 పరుగుల వద్ద ఆలౌట్ అయ్యారు. సిరీస్‌ను 4-1తో కైవసం చేసుకోవడానికి భారత జట్టుకు అవకాశాన్ని అందించారు.