Okaya Electric Scooter : వాహనదారులు ఖర్చులను తగ్గించుకునేందుకే ఎలక్ట్రిక్ వాహనాల (EV)కి డిమాండ్ పెరుగుతోంది. EVలు ఇప్పుడు పెట్రోల్‌తో (petrol) నడిచే బైక్‌లతో పోల్చదగిన ధరతో అందుబాటులోకి రావడం వల్ల వాటి కొనుగోలుపై ఆసక్తి పెరిగింది. తక్కువ ప్రయాణ ఖర్చులు మరియు ఒక్కసారి ఛార్జ్ చేస్తే 100 కి.మీ కంటే ఎక్కువ ప్రయాణించే సౌలభ్యం కారణంగా వీటికి ప్రజాదరణ పెరిగింది.
అందుకే ప్రస్తుత కాలం లోప్రముఖ ద్విచక్ర వాహన తయారీదారులు సరికొత్త ఫీచర్లు మరియు అద్భుతమైన డిజైన్లతో ఎలక్ట్రిక్ వాహనాలను పరిచయం చేస్తున్నారు. మీరు కొత్త EVని కొనుగోలు చేయాలని ఆలోచిస్తున్నట్లయితే, ఒక అద్భుతమైన ఆఫర్ అందుబాటులో ఉంది. ఆ ఆఫర్ ఏంటి అనే విషయం గురించి ఇప్పుడు మనం తెలుసుకుందాం.
ప్రస్తుతం అగ్ర ఎలక్ట్రిక్ వాహనాల తయారీదారు అయిన Okaya నుండి ఫాస్ట్ F4 మోడల్‌పై గణనీయమైన తగ్గింపు అందుబాటులో ఉంది. ప్రముఖ ఈ-కామర్స్ సంస్థ ఫ్లిప్‌కార్ట్ ఈ మోడల్‌పై 11 శాతం తగ్గింపును అందిస్తోంది. Flipkartలో Okaya Fast F4 అసలు ధర ₹1,50,112గా ఉంది, కానీ ఆఫర్‌తో కలిపితే ఇది ₹1,32,500కి అందుబాటులో ఉంది. అదనంగా మీరు బ్యాంక్ మరియు క్రెడిట్ కార్డ్ ఆఫర్‌లను ఉపయోగిస్తే, మీరు ₹34,000 అదనపు తగ్గింపును పొందవచ్చు.
ఫ్లిప్‌కార్ట్ యాక్సిస్ క్రెడిట్ కార్డ్ ద్వారా ఈ ఎలక్ట్రిక్ స్కూటర్‌ని (Electric scooter) కొనుగోలు చేయడం ద్వారా, మీరు అదనంగా ₹16,125 ఆదా చేయవచ్చు. అంటే మొత్తంగా చూస్తే దాదాపు రూ. 34 వేల తగ్గింపుతో ఈ ఎలక్ట్రిక్ స్కూటర్‌ను సొంతం చేసుకోవచ్చు.
ఈ ఎలక్ట్రిక్ స్కూటర్ మూడు సంవత్సరాలు లేదా 30,000 కిలోమీటర్ల వరకు బ్యాటరీ వారంటీని కలిగి ఉంటుంది. ఇది ఒక్కసారి ఛార్జ్ చేస్తే 160 కి.మీ వరకు ప్రయాణించగలదు మరియు గంటకు 70 కి.మీ వేగం తో మనం ప్రయాణించవచ్చు. బ్యాటరీ పూర్తిగా ఛార్జ్ కావడానికి 5 గంటలు సమయం పడుతుంది.
స్కూటర్‌లో ట్యూబ్‌లెస్ టైర్లు, డ్యూయల్ LED హెడ్‌లైట్లు, స్ప్రింగ్-లోడెడ్ రియర్ సస్పెన్షన్, టెలిస్కోపిక్ ఫోర్క్ ఫ్రంట్ సస్పెన్షన్, రివర్స్ బటన్ మరియు రిమోట్ స్టార్ట్ అండ్ స్టాప్ ఫంక్షనాలిటీ ఉన్నాయి. యాంటీ-థెఫ్ట్ అలారం సిస్టమ్ నుంచి డిజిటల్ ఓడోమీటర్, జీడీ డిజిటల్ స్పీడోమీటర్ వంటి ఫీచర్లతో మెరుగైన భద్రతను అందిస్తుంది.