Telugu Mirror : ICC క్రికెట్ ప్రపంచ కప్‌లో భారతదేశం మరియు పాకిస్తాన్ మధ్య హోరా హోరీగా జరిగిన మ్యాచ్ సమయంలో వ్యూయర్ల (Viewers) సంఖ్య 3.5 కోట్ల మార్కును తాకడంతో డిస్నీ+ హాట్స్టార్ కొత్త రికార్డును నెలకొల్పింది. ఓవర్-ది-టాప్ (OTT) ప్లాట్‌ఫారమ్ అయిన డిస్నీ+ హాట్‌స్టార్‌లో (Disney+ Hotstar) ఇండియా వర్సెస్ పాకిస్థాన్ మ్యాచ్ ప్రత్యక్ష ప్రసారంలో వీక్షకుల సంఖ్యా దాదాపు 3.5 కోట్ల గరిష్ట మార్క్ కు చేరుకుంది. దీనితో, ఈ ఏడాది ప్రారంభంలో జరిగిన ఇండియన్ ప్రీమియర్ లీగ్ (IPL) ఫైనల్ మ్యాచ్‌లో చెన్నై సూపర్ కింగ్స్ మరియు గుజరాత్ టైటాన్స్ జట్లు ఆడినప్పుడు 3.2 కోట్ల గరిష్ట మార్క్ ని అధిగమించింది.
Also Read : సలార్ నుంచి పవర్‌ఫుల్ పోస్టర్, పృథ్వీరాజ్ సుకుమారన్ బర్త్ డే స్పెషల్
ఆసియా కప్‌లో జరిగిన ఇండియా వర్సెస్ పాకిస్థాన్ మ్యాచ్‌లో 2.8 కోట్ల గరిష్ట స్థాయి నమోదు కాగా, ఐసిసి క్రికెట్ ప్రపంచ కప్ 2019లో జరిగిన ఇండియా వర్సెస్ న్యూజిలాండ్ సెమీ ఫైనల్ మ్యాచ్‌లో గరిష్ట మార్క్ 2.53 కోట్లుగా నమోదైంది. శనివారం జరిగిన ఇండియా వర్సెస్ పాకిస్థాన్ మ్యాచ్‌ను స్టార్ స్పోర్ట్స్ నెట్‌వర్క్‌లో మరియు డిస్నీ+ హాట్స్టార్ ప్రత్యక్ష ప్రసారం చేసింది. అయితే టెలివిజన్ ప్రేక్షకులను కొలిచే సంస్థ, బ్రాడ్‌కాస్ట్ ఆడియన్స్ రీసెర్చ్ కౌన్సిల్ (BARC) ద్వారా ఆ మ్యాచ్ యొక్క వీక్షకుల డేటా ఒక వారం వరకు పబ్లిక్ చేయబడదు. వారం తర్వాత ఆ డేటాను BARC విడుదల చేస్తుంది.
ఒక ప్రఖ్యాత మల్టీప్లెక్స్ ఆపరేటర్ PVR INOX ఇండియా వర్సెస్ పాకిస్థాన్ మ్యాచ్‌ను ఎంపిక చేసిన సినిమా హాల్ లో ప్రసారం చేసింది, అక్కడకి మ్యాచ్ చూడటానికి పెద్ద సంఖ్యలో ప్రేక్షకులు వస్తున్నారని తెలిపింది. డిస్నీ+ హాట్స్టార్ ఇండియా అధిపతి సజిత్ శివానందన్ PTI కి ఇలా ప్రకటన ఇచ్చారు డిస్నీ+ హాట్‌స్టార్‌లో భారత్-పాకిస్థాన్ మ్యాచ్‌ను చూసేందుకు ట్యూన్ చేసిన అభిమానులందరికీ మేము ధన్యవాదాలు తెలియజేస్తున్నాము. క్రీడ పట్ల మీకున్న అభిరుచి కారణం చేతనే డిస్నీ+ హాట్ స్టార్ క్రికెట్ ను ఎనేబుల్ చేసింది. హాట్స్టార్ క్రికెట్‌లోని అన్ని ఫార్మాట్‌లలో గతంలో ఉన్న అన్ని రికార్డులను బద్దలు కొట్టడానికి మరియు 3.5 కోట్ల మంది వీక్షకుల గరిష్ట సంఖ్యను చేరుకోవడానికి కారణం అయిందని అయన అన్నారు.
Also Read : నేడే ప్రపంచ ఆహార దినోత్సవం, వృథాను అరికడదాం నిరుపేదల కడుపు నింపుదాం
డిస్నీ+హాట్స్టార్ క్రికెట్ (Cricket) పోటీలు కొనసాగుతున్నంత కాలం ప్రతి కస్టమర్‌కు అద్భుతమైన వీక్షణ అనుభవాన్ని అందించడానికి దాని నిబద్ధతకు అనుగుణంగా కొనసాగుతుందని చెప్పారు. ఐసిసి మెన్స్ క్రికెట్ ప్రపంచ కప్ అభివృద్ధి చెందుతున్నప్పుడు ఇలాంటి మరెన్నో అనుభవాలను పొందాలనుకుంటున్నాం అని శివానందన్ పేర్కొన్నాడు. 40కి పైగా లొకేషన్లలో 116 సినిమా థియేటర్స్ లో ఆల్ ఇండియా లీగ్ మ్యాచ్‌లు, అలాగే నాకౌట్ గేమ్‌లు, సెమీ ఫైనల్స్ మరియు ఫైనల్స్‌ను ప్రదర్శిస్తున్న PVR INOX, శనివారం భారత్-పాకిస్థాన్ మ్యాచ్ పై అద్భుతమైన ప్రతిస్పందనలను వచ్చాయి అని PVR INOX CEO గౌతమ్ దత్తా పేర్కొన్నారు.