Air India Special Sale : తరచుగా ఎంతో మంది విమాన ప్రయాణాలు చేస్తూ ఉంటారు. అయితే, సాధారణ ప్రజలకు ఒక్కసారైనా విమానం ఎక్కాలనే కోరిక ఉంటూనే ఉంటుంది. వన్-టైమ్ టిక్కెట్‌ను (One-time ticket) బుక్ చేయాలనుకునే వారికి అద్భుతమైన శుభవార్త. ప్రఖ్యాత దేశీయ విమానయాన సంస్థ ఎయిర్ ఇండియా ఎక్స్‌ప్రెస్ ప్రత్యేక ఒప్పందాన్ని ప్రకటించింది.
స్ల్పాష్ డీల్‌లో భాగంగా రూ.883కే విమాన టిక్కెట్లు అందుబాటులో ఉన్నాయి. ఎయిర్ ఇండియా ఎక్స్‌ప్రెస్ (Air India Express) తన అతిపెద్ద స్ప్లాష్ సేల్ ఎవర్ ప్రమోషన్‌లో భాగంగా రెండు రకాల టిక్కెట్లను అందిస్తోంది. ఎక్స్‌ప్రెస్ లైట్ ఛార్జీల కింద ఇచ్చే టిక్కెట్ రేట్లు రూ. 883 నుండి ప్రారంభమవుతాయి. ఇందులో ఎలాంటి కన్వీనియెన్స్ ఫీ లేదు. ఎక్స్‌ప్రెస్ వాల్యూ ఛార్జీల ధరలు రూ.1096 నుండి ప్రారంభమవుతాయి.
ఎయిర్ ఇండియా ఎక్స్‌ప్రెస్ వినియోగదారులకు జూన్ 28 వరకు స్ప్లాష్ షేల్ ద్వారా తగ్గింపు ధరతో టిక్కెట్లను కొనుగోలు చేసుకునే అవకాశాన్ని కల్పించింది. జూలై 1, 2024 మరియు సెప్టెంబర్ 30, 2024 మధ్య ప్రయాణానికి జూన్ 28లోపు టిక్కెట్లను బుక్ చేయవచ్చు.
రాబోయే మూడు నెలల్లో ఆధ్యాత్మిక లేదా పర్యాటక యాత్రను ప్లాన్ చేసుకునే వ్యక్తులకు ఇది అద్భుతమైన అవకాశం. మీరు తక్కువ ధర విమాన టిక్కెట్లను బుక్ చేసుకోవచ్చు.
ఎయిరిండియా ఎక్స్‌ప్రెస్ ఎక్స్‌ప్రెస్ లైట్ ఫేర్ టిక్కెట్‌ల అదనపు సౌలభ్యం ధర రూ.350ని రద్దు చేసింది. అయితే, ఈ సౌలభ్యం ఛార్జ్ మినహాయింపు పొందడానికి, ఎయిర్ ఇండియా ఎక్స్‌ప్రెస్ అధికారిక వెబ్‌సైట్ www.airindiaexpress.com లేదా మొబైల్ యాప్ ద్వారా టిక్కెట్లను బుక్ చేసుకోవాలని సంస్థ తెలిపింది.
మీరు అధికారిక వెబ్‌సైట్ మరియు మొబైల్ యాప్ ద్వారా నేరుగా మీ టిక్కెట్లను బుక్ చేసుకోవడం ద్వారా రూ.350 ఆదా చేసుకోవచ్చు. ఇది పరిమిత కాల ఒప్పందమని, ఇది ముందుగా బుక్ చేసుకునే వారికి మాత్రమే వర్తిస్తుందని ఎయిర్‌లైన్స్ తెలిపింది.
ఈ ఆఫర్‌లో భాగంగా ఇచ్చిన సీట్లు పూర్తిగా బుక్ చేసుకున్నట్లయితే, స్టాండర్డ్ టికెట్ ధరలు మరియు షరతులు వర్తిస్తాయి. మరోవైపు, చెల్లింపులు పూర్తయిన తర్వాత, తిరిగి చెల్లించబడదు మరియు టిక్కెట్లు క్యాన్సిల్ చేస్తే..చార్జీలు కట్టాల్సి ఉంటుంది.
Air India Special Sale
Also Read : UPSC Best Time To Start: యుపిఎస్‌సి క్రాక్ చేయడం మీ కల నా? ఏ టైంలో ప్రిపరేషన్ స్టార్ట్ చేస్తే మంచిది?