Air Taxi India: ప్రముఖ విమానయాన సంస్థ ఇండిగో భారత్‌లో ఎయిర్ టాక్సీ సేవలను ప్రారంభించనున్నట్లు ప్రకటించింది. ఇండిగో మాతృసంస్థ అయినా ఇంటర్‌గ్లోబ్ ఎంటర్‌ప్రైజెస్, అమెరికా ఆర్చర్ ఏవియేషన్ కలిసి ఈ ఎయిర్ టాక్సీ సేవలను అభివృద్ధి చేయనున్నట్లు ప్రకటించాయి. 2026 నాటికి ఎయిర్‌టాక్సీ సేవలు అందుబాటులోకి వస్తాయని భావిస్తున్నారు.

ఢిల్లీలోని కన్నాట్ ప్లేస్ నుండి 30 కిలోమీటర్ల దూరంలో ఉన్న గురుగ్రామ్‌కు కేవలం 7 నిమిషాల్లో ఎయిర్‌టాక్సీ తీసుకెళ్తుంది అని ఇండిగో తెలిపింది. ప్రయాణానికి రెండు నుంచి మూడు వేల రూపాయల వరకు ఖర్చవుతుందని అంచనా వేశారు. అయితే, కారులో అదే దూరాన్ని చేరుకోవడానికి 90 నిమిషాలు పడుతుంది.

ఎయిర్ ట్యాక్సీలో ఆరు బ్యాటరీలు ఉంటాయని, 30 నుంచి 40 నిమిషాల్లో పూర్తిగా ఛార్జ్ అవుతాయని పేర్కొన్నారు. ఇంటర్‌గ్లోబ్ మరియు ఆర్చర్ ఏవియేషన్ కూడా ఢిల్లీ, ముంబై మరియు బెంగళూరులలో ఎయిర్ టాక్సీ సేవలను ప్రారంభించాలని భావిస్తున్నాయి.

ముందుగా ఢిల్లీలో ప్రారంభం..

ముందుగా ఇండిగో దేశ రాజధాని ఐన ఢిల్లీలో ఎయిర్ టాక్సీ సేవలను ప్రారంభించాలని భావిస్తోంది. ఎయిర్ ట్యాక్సీల వల్ల చాలా సమయం ఆదా అవుతుంది. ఉదాహరణకు, ఢిల్లీలోని అత్యంత రద్దీగా ఉండే కన్నాట్ ప్లేస్ మరియు హర్యానాలోని గురుగ్రామ్ మధ్య దూరం 32 కి.మీ ఉంది. బస్సులో ప్రయాణిస్తే గంటన్నర సమయం పడుతుంది. మెట్రోలో చేరుకోవడానికి 52 నిమిషాల సమయం పడుతుందని. అయితే ఎయిర్ టాక్సీలో కేవలం 7 నిమిషాల్లో చేరుకోవచ్చని ఇండిగో ప్రకటించింది.

ఛార్జ్ ఎంతంటే?

ఆర్చర్ ఏవియేషన్ ప్రతినిధులు కన్నాట్ ప్లేస్ మరియు గురుగ్రామ్ మధ్య 7 నిమిషాల ప్రయాణానికి ఛార్జి రూ. 2000-3000 వరకు ఉంటుంది. ఆర్చర్ ఏవియేషన్ వ్యవస్థాపకుడు మరియు CEO, ఆడమ్ గోల్డ్‌స్టెయిన్, ఎయిర్‌క్రాఫ్ట్ సర్టిఫికేషన్ ప్రక్రియ ముగింపు దశకు చేరుకుందని సూచించారు. వచ్చే ఏడాదిలోగా ధృవీకరణ జరగవచ్చని, ఆ తర్వాత డైరెక్టరేట్ జనరల్ ఆఫ్ సివిల్ ఏవియేషన్ (DGCA)లో అనుమతి ప్రక్రియ ప్రారంభమవుతుందని పేర్కొంది.

5 సీటర్ టాక్సీలు

ఈ ఎయిర్ టాక్సీలలో ఐదు సీట్లు ఉంటాయి. పూర్తి ఛార్జింగ్ 30-40 నిమిషాలు పడుతుంది. ఒక నిమిషం ఛార్జింగ్ చేస్తే ఒక నిమిషం ప్రయాణం చేయవచ్చు, ఇది పూర్తి ఛార్జింగ్‌తో 30-40 కిలోమీటర్లకు ప్రయాణించే అవకాశాలున్నాయని ఆర్చర్ ఏవియేషన్ రిపోర్ట్ చేసింది.

Air Taxi India