AP Eamcet Registration 2024 ఏపీ ఎంసెట్ దరఖాస్తు ప్రక్రియ నేడు ప్రారంభం, ఇలా దరఖాస్తు చేసుకోండి!

AP Eamcet Registration 2024 ఇంటర్ చదువుతున్న విద్యార్థులు తమ ఇంటర్మీడియట్ పూర్తి అయిన తర్వాత వివిధ విభాగాల్లో ఉన్నత చదువుల కోసం ఎన్నో ప్రవేశ పరీక్షలను రాస్తుంటారు. అందులో భాగంగా ఆంధ్రప్రదేశ్ రాష్ట్ర ఇంజినీరింగ్, అగ్రికల్చర్ ఫార్మసీ కామన్ ఎంట్రన్స్ టెస్ట్ కోసం నోటిఫికేషన్ ను రాష్ట్ర విద్యామండలి విడుదల చేసింది. ఈ ఎంసెట్ ప్రవేశ పరీక్షను కాకినాడ, జవహర్ లాల్ నెహ్రూ టెక్నాలాజికల్ యూనివర్సిటీ నిర్వహిస్తుంది.

ఇంజనీరింగ్ తో పాటు ఇతర ప్రవేశ పరీక్షల కోసం విద్యా మండలి షెడ్యూల్ ని విడుదల చేసింది. ఏపీ ఎంసెట్ పరీక్ష యొక్క పరీక్ష తేదీలు, దరఖాస్తు రుసుములు, దరఖాస్తు చేసుకునే విధానం వంటి వివరాలు ఇప్పుడు తెలుసుకుందాం.

ఏపీ ఎంసెట్ 2024 ప్రవేశాన్ని అర్హత ప్రమాణాలు..

• దరఖాస్తుదారులు తప్పనిసరిగా ప్రవేశ సంవత్సరం అయిన డిసెంబర్ 31, 2024 నాటికి కనీసం 16 సంవత్సరాల వయస్సు కలిగి ఉండాలి.
• ఆంధ్రప్రదేశ్ విద్యాసంస్థలు (అడ్మిషన్ నియంత్రణ) ఆర్డర్, 1974 మరియు రాష్ట్ర ప్రభుత్వ నిబంధనల ప్రకారం ఆంధ్రప్రదేశ్ అభ్యర్థులు స్థానిక/స్థానేతర స్థితి ప్రమాణాలకు అనుగుణంగా ఉండాలి.
• అభ్యర్థులు 12వ లేదా తత్సమాన పరీక్షలో ఉత్తీర్ణులైతే, ప్రవేశ పరీక్షకు దరఖాస్తు చేసుకోవచ్చు.
• గుర్తింపు పొందిన కళాశాల నుండి ఇంజనీరింగ్ డిప్లొమా ఉన్న అభ్యర్థులు దరఖాస్తు చేసుకోవచ్చు.
• జనరల్ కేటగిరీ అభ్యర్థులు తప్పనిసరిగా కనీసం 45% మార్కులు పొంది ఉండాలి, అయితే రిజర్వ్‌డ్ కేటగిరీ అభ్యర్థులు 40% ఉత్తీర్ణత కలిగి ఉండాలి.