Bank Holidays : దేశవ్యాప్తంగా బ్యాంకులకు సెలవులు, కారణం ఇదేనా!

Bank Holidays : బ్యాంక్ ఖాతాదారులకు ముఖ్యమైన గమనిక. దేశవ్యాప్తంగా బ్యాంకులకు సెలవులు వస్తున్నాయి. ఈ వారంలో మూడు రోజులు మాత్రమే బ్యాంకులు తెరిచి ఉంటాయి. మరి ఇంతకీ  బ్యాంకులకు సెలవులు ఎప్పుడు ఉంటాయో తెలుసుకుందాం.  దేశవ్యాప్తంగా వివిధ దశల్లో లోక్‌సభ ఎన్నికలు జరుగుతున్నాయి. ఎన్నికలు జరుగుతున్న రాష్ట్రాల్లో బ్యాంకులు కూడా సెలవులు పాటిస్తాయి. లోక్‌సభ ఎన్నికల కారణంగా వారాంతపు సెలవులు కాకుండా చాలా ప్రాంతాల్లో బ్యాంకులకు సెలవులు వచ్చాయి.

మే నెలలో బ్యాంకుల సెలవుల విషయానికి వస్తే, మే నెల ప్రారంభంలో చాలా రోజులు బ్యాంకులు మూసివేశారు. అయితే, మే 20 నుండి మే 26 వరకు, బ్యాంకులు మూడు రోజులు మాత్రమే తెరిచి ఉంటాయి. అంటే బ్యాంకులకు నాలుగు రోజులు సెలవు. అయితే, వరుసగా రెండు రోజులు మాత్రమే సెలవులు ఉన్నాయి.

మే 20 బ్యాంకులకు సెలవు. ఐదవ దశ లోక్‌సభ ఎన్నికలు మే 20న జరగనున్నాయి. ఈ సమయంలో బీహార్‌లోని సీతామర్హి, సరన్, మధుబని, హజారీబాగ్, ముజఫర్‌పూర్, కోడెర్మా, హాజీపూర్, జార్ఖండ్‌లోని బ్యాంకులకు సెలవులు వచ్చాయి, అలాగే ముంబైలో కూడా అలాగే ఉంది. ఇది కాకుండా లోక్‌సభ ఎన్నికలు జరుగుతున్న ఇతర ప్రాంతాల్లో బ్యాంకులు మూసివేశారు.

అయితే, మూడు రోజులు మాత్రమే బ్యాంకులు తెరుచుకోనున్నాయి. దేశంలోని అన్ని బ్యాంకులు మే 21 మరియు 22 తేదీల్లో తెరిచి ఉంటాయి. ఆ తర్వాత మే 24న బ్యాంకులు ఓపెన్ అవుతాయి. ఈ సమయంలో, మీరు బ్యాంకుకు వెళ్లి మీ పనిని పూర్తి చేయవచ్చు. అయితే దీని తర్వాత వరుసగా రెండు రోజులు బ్యాంకులకు సెలవులు రానున్నాయి.

మే 23న కూడా బ్యాంకులు మూతపడనున్నాయి. మే 23, 2024న దేశవ్యాప్తంగా అన్ని బ్యాంకులు క్లోజ్ అవుతాయి. ఎందుకంటే, ఆ రోజున బుద్ధ పూర్ణిమను పురస్కరించుకుని బ్యాంకులకు సెలవు ప్రకటించారు. దీని తర్వాత మే 24న బ్యాంకులు తిరిగి తెరుచుకుంటాయి.

మే 25 మరియు 26, 2024 తేదీలలో కూడా బ్యాంకులకు సెలవులు రానున్నాయి. 6వ దశ లోక్‌సభ ఎన్నికలు మే 25న జరగనుండగా.. అది కాకుండా నాలుగో శనివారం కూడా ఉంది కాబట్టి ఆ రోజు దేశంలోని ప్రతి బ్యాంకు మూతపడుతుంది. అయితే మే 26 ఆదివారం కావడంతో బ్యాంకులకు సెలవు.

అయితే, బ్యాంకులు మూసి ఉన్న సమయంలో కూడా పనులు చేసుకోవచ్చు. బ్యాంకు మూసివేయబడినప్పటికీ మీరు వివిధ ఆర్థిక పనులను నిర్వహించవచ్చు. మీరు ATM నుండి నగదు తీసుకోవచ్చు. ఆన్‌లైన్ బ్యాంకింగ్ సేవలను ఉపయోగించి లావాదేవీలను పూర్తి చేయవచ్చు.