Born With Teeth : పుట్టుకతోనే 32 పళ్ళు వచ్చాయి, అసలు ఇది సాధ్యమేనా..?

Born With Teeth : పెళ్లి అయిన ప్రతి ఒక్కరికీ తల్లిదండ్రులు కావాలనే ఆశ ఉంటుంది. ఇక తల్లిదండ్రులు అవుతారని తెలిసినప్పటి నుంచి ఆ దంపతులు బిడ్డ రాక కోసం ఎదురుచూస్తూ ఉంటారు. బిడ్డ పుట్టినప్పటి నుంచి ప్రతిరోజూ ఆ బిడ్డ చేసే అల్లరి వారికి గుర్తుకు వస్తు ఉంటాయి. నవ్వడం, కేకలు పెట్టడం, అమ్మ అని పిలవడం, నడవడం, పాకడం ఇవన్నీ అద్భుతమైన జ్ఞాపకాలు తల్లిదండ్రులకు ఆనందాన్ని కలిగిస్తాయి.

అయితే సాధారణంగా పసి పిల్లలకు ఆరు నుండి పన్నెండు నెలల వయస్సులో పళ్ళు రావడం జరుగుతుంది. అయితే, దంతాలు పూర్తిగా బయటపడటానికి చాలా సంవత్సరాలు పడుతుంది. అయితే, విచిత్రం ఏమిటంటే, ఒక పసి వాడు 32 పళ్ళతో పుడితే? ఎలా ఉంటుంది. ఆశలు ఇలా జరుగుతుంది అంటారా? అయితే, మీకు ఈ విషయం తెలియాల్సిందే.

అమెరికాకు చెందిన ఓ తల్లి ఇదే తరహాలో ఆడబిడ్డకు జన్మనిచ్చింది. ఈ ఫుటేజీ చూసిన జనాలు ఆశ్చర్యపోయారు. ఇది చాలా అరుదుగా జరిగే సంఘటన అని వైద్యులు భావిస్తున్నారు. వీటిని నియోనాటల్ దంతాలు లేదా జన్మ దంతాలు అంటారు.

అమెరికాలోని టెక్సాస్‌లోని డల్లాస్‌లో నివసిస్తున్న నికా దివా అనే మహిళ తన శిశువుకు ఉన్న అసాధారణ వ్యాధి గురించి అవగాహన కల్పించడానికి TikTokని ఉపయోగించింది. తన కూతురు 32 పళ్లతో పుట్టిందని చెప్పింది. దీనికి సంబంధించిన వీడియోను కూడా ఆ తల్లి అప్‌లోడ్ చేసింది. అందులో అమ్మాయి పుట్టినప్పటి నుంచి ఇప్పటి వరకు ఉన్న ఫొటోలు ఉన్నాయి.

నికా దివా ప్రకారం, ఆమె మొదట తన కుమార్తెను పట్టుకున్నప్పుడు, ఆమె తన శిశువు దంతాలను చూసి ఆశ్చర్యపోయింది. ఇది అరుదుగా జరిగే పరిస్థితి అని వైద్యులు ఆమెకు తెలియజేశారు. ఇప్పుడు సోషల్ మీడియా ద్వారా దీనిపై అవగాహన కల్పించే ప్రయత్నం చేస్తున్నారు. ఇది జోక్ కాదని ఆ మహిళ పేర్కొంది.

ncbi.nlm.nih.gov ప్రకారం, ఈ విధంగా పుట్టడానికి అనేక కారణాలు ఉండవచ్చు. సంభావ్య కారణాలలో జన్యుశాస్త్రం, కొన్ని వైద్యపరమైన రుగ్మతలు మరియు గర్భధారణ సమయంలో తల్లి ఆరోగ్యం వంటి కారణాలు ఉంటాయి. ఈ వ్యాధి శిశువుకు పెద్ద సమస్యలను కలిగిస్తుంది, అయితే దంతాలు ఊడిపోతే, ఆ పాప వాటిని మింగవచ్చు. ఇంకా, తల్లి పాలివ్వడంలో సమస్యలు ఉన్నాయని చెబుతారు.

Born With Teeth