Hyderabad Metro : మెట్రో రైలు నిర్మాణం ఈ ప్రాంతంలోనే, రెండో దశ పరిశీలన

Hyderabad Metro :  మెట్రో రైలు రెండో దశలో జరగాల్సిన పనులను ఎండీ ఎన్వీఎస్ రెడ్డి (MD NVS Reddy) పరిశీలించారు. జాతీయ రహదారుల వెంబడి రెండో దశ మెట్రో లైన్లను పరిశీలించారు. మెట్రో ఇంజినీరింగ్ అధికారులు, జాతీయ రహదారి అధికారులతో కలిసి మియాపూర్-పటాన్ చెరువు-ఎల్బీనగర్-హయత్ నగర్ మార్గంలో పర్యటించారు. హైదరాబాద్ మహానగరానికి నిదర్శనంగా నిలిచిన మెట్రో ప్రాజెక్టుల విస్తరణకు కాంగ్రెస్ ప్రభుత్వం శ్రీకారం చుట్టింది.

అందులో భాగంగానే రెండో దశ పనులను ప్లాన్ చేస్తున్నారు. పాత రూట్ మ్యాప్‌లు అప్‌డేట్ చేసి.. కొథ్ది రూపొందించారు. వాటికి అనుగుణంగానే పనులు చేపట్టేందుకు అధికారులు సిద్ధమవుతున్నారు. అందులో భాగంగానే జూలై 10వ తేదీ బుధవారం ప్రకాష్ నగర్ లోని మెట్రో రైల్ లిమిటెడ్ భవన్ (Metro Rail Limited Bhavan) లో నేషనల్ హైవే అధికారులు, మెట్రో అధికారులు సమావేశమయ్యారు. రెండో దశ పనులను పరిశీలించారు.

మైలార్‌దేవ్‌పల్లి – ఆరంగర్‌ – కొత్త హైకోర్టు మార్గంలో జాతీయ రహదారి వెంట మెట్రో రైలు నిర్మించేందుకు ఉన్న అవకాశాలతో పాటు ఇతర అవసరాలను పరిశీలించారు. ఈ మార్గంలో ప్రస్తుతం ఉన్న ఫ్లైఓవర్లతో పాటు కొత్త ఫ్లైఓవర్లను నిర్మించే యోచనలో ఉన్నందున, అధికారులు మెట్రో అలైన్‌మెంట్‌ను తగిన విధంగా నిర్మించడానికి ప్రాధాన్యత ఇచ్చారు.

ఎల్బీనగర్-హయత్ నగర్ (LB Nagar-Hayat Nagar) మధ్య ఏడు కిలోమీటర్ల మేర జాతీయ రహదారిపై మెట్రో పనులు జరగనున్నట్లు తెలుస్తోంది. ప్రస్తుతం మియాపూర్‌ నుంచి ఎల్‌బీనగర్‌ వరకు అందుబాటులో ఉండగా, ఎల్‌బీనగర్‌ జంక్షన్‌ నుంచి చింతలకుంట వరకు ఉన్న సెంటర్‌ మీడియన్‌లలో మెట్రో పిల్లర్ల ఏర్పాటుకు ప్రయత్నాలు జరుగుతున్నాయి. దానిని అనుసరించి, మిగిలిన మండలానికి రహదారికి ఎడమ వైపున ఉన్న సర్వీస్ రోడ్డులో అలైన్‌మెంట్ చేయాలని అధికారులు నిర్ణయించారు.

మియాపూర్ నుంచి పటాన్ చెరువు వరకు మెట్రో కారిడార్ 13 కి.మీ. ఈ ప్రాంతంలో మెట్రోను ప్రాథమిక రవాణా మార్గంగా తీర్చిదిద్దేందుకు ప్రణాళికలు సిద్ధం చేస్తున్నారు. జాతీయ రహదారుల సంస్థ, మెట్రో అధికారులు కలిసి మదీనగూడలో డబుల్ డెక్కర్ ఫ్లైఓవర్ నిర్మించాలన్నారు. నాగోల్‌-ఎల్‌బీనగర్‌-శంషాబాద్‌ ఎయిర్‌పోర్ట్‌ మెట్రో కారిడార్‌ (Airport Metro Corridor) మార్గాన్ని జాతీయ రహదారుల ఏజెన్సీ అధికారులతో కలిసి పరిశీలించి, తగిన చోట మెరుగులు దిద్దాలని కూడా చెప్పారు.

దీంతో హైదరాబాద్ ఔటర్ రింగ్ రోడ్ రీజియన్ అంతటా మెట్రో సేవలు అందుబాటులోకి రానున్నాయని తెలుస్తోంది. ఇది జరిగితే, ప్రయాణికులు మరింత ఆహ్లాదకరమైన ప్రయాణాన్ని పొందగలుగుతారు. ఇంకా, నగరంలో ట్రాఫిక్ రద్దీని కొంతవరకు తగ్గించడానికి మెట్రో ఇప్పటికే సహాయపడింది. ఈ ప్రదేశాలలో మెట్రో లింక్ జనాభా పెరుగుతున్న కొద్దీ ట్రాఫిక్ రద్దీని తగ్గించడానికి సహాయపడుతుంది.

Hyderabad Metro