TGSRTC Good News: ప్రయాణికులను ఆకర్షించేందుకు టీజీఎస్‌ఆర్‌టీసీ (TGSRTC) ఇప్పటికే అనేక పథకాలను ప్రవేశపెట్టింది. తెలంగాణ రాష్ట్రంలో అధికారంలోకి వచ్చిన కాంగ్రెస్ పార్టీ మహిళలకు ఉచిత బస్సు ప్రయాణం కల్పిస్తున్న సంగతి తెలిసిందే. ఈ పథకం వల్ల పెరిగిన ట్రాఫిక్ కారణంగా, డిమాండ్‌కు అనుగుణంగా కొత్త బస్సులను కూడా కొనుగోలు చేస్తోంది. ఉచిత బస్సు ప్రయాణంతో ఆర్టీసీ ట్రాఫిక్ విపరీతంగా పెరిగింది. ఈ పథకం ప్రారంభమైన తర్వాత, ట్రాఫిక్ మరియు ఆదాయంతో పాటు ఆర్టీసీ బస్సులో ప్రయాణించే వారి సంఖ్య పెరిగింది. TGSRTC మిగిలిన కమ్యూనిటీలకు అనేక రకాల కార్యక్రమాలను అందిస్తుంది. ఈ క్రమంలో ఆర్టీసీ తాజాగా కొన్ని వార్తలు ప్రకటించింది. ధరలు భారీగా తగ్గించింది.
హైదరాబాద్ ప్రజలకు తెలంగాణ ఆర్టీసీ శుభవార్త అందించింది. బస్‌పాస్‌ ఫీజులు (Bus Pass Fees) భారీగా తగ్గించారు. టీజీఎస్‌ఆర్‌టీసీ తన పర్యావరణరహిత ఎలక్ట్రిక్ గ్రీన్ మెట్రో లగ్జరీ AC బస్సుల టిక్కెట్ ధరను భారీగా తగ్గించింది. కొన్ని వాహనాలపై ప్రయాణించే వారికి నెలవారీ బస్ పాస్ ఫీజు తగ్గిస్తున్నట్లు యాజమాన్యం ప్రకటించింది. ఈ బస్ పాస్ ను రూ.1900కే అందిస్తున్నట్లు ఆర్టీసీ వ్యాపార వర్గాలు పేర్కొన్నాయి. గతంలో ఈ బస్ పాస్ ధర రూ.2530 ఉండగా.. తాజాగా ఆర్టీసీ సంస్థ ప్రయాణికుల ఛార్జీని రూ. 630 ఉంది. ఈ నెల వారి బస్ పాస్ ధర 1900 రూపాయలకు తగ్గించింది.
Also Read: Schools Ready To Reopen: తెలంగాణలో జూన్ 12న పాఠశాలలు ప్రారంభం, ఈసారి సెలవులు ఎన్నంటే?
ఈ బస్ పాస్ సికింద్రాబాద్ – పటాన్ చెరువు (రూట్ 219) మరియు బాచుపల్లి – వేవ్ రాక్ (రూట్ 195) మార్గాలలో గ్రీన్ మెట్రో యొక్క డీలక్స్ AC బస్సులలో ప్రయాణించడానికి వీలు కల్పిస్తుంది. ఈ బస్ పాస్ గ్రీన్ మెట్రో డీలక్స్ AC బస్సులు, ఈ-మెట్రో ఎక్స్‌ప్రెస్ మరియు సిటీ ఆర్డినరీ బస్సులలో ప్రయాణించే సౌకర్యాన్ని కూడా అందిస్తుంది. అయితే, ఎయిర్‌పోర్ట్ రూట్ (Airport Route) లో నడిచే పుష్‌ఫక్ ఏసీ బస్సుల్లో ఈ పాస్ చెల్లదు.
ఇంకా, మెట్రో ఎక్స్‌ప్రెస్ బస్ పాస్ ఉన్న వారు రూ.20కి కాంబినేషన్ టిక్కెట్‌ను కొనుగోలు చేసి, గ్రీన్ మెట్రో లగ్జరీ ఏసీ బస్సుల్లో ఒకే ట్రిప్‌లో ప్రయాణించవచ్చని ఆర్టీసీ యాజమాన్యం పేర్కొంది. హైదరాబాద్‌లోని టీజీఎస్‌ఆర్‌టీసీ బస్‌పాస్‌ కేంద్రల్లో ఈ పాస్ లను జారీ చేస్తుంది వెల్లడించింది. బస్‌పాస్‌ల ధరలు తగ్గించడంతో జనాలు హర్షం వ్యక్తం చేస్తున్నారు.
గ్రీన్ మెట్రో లగ్జరీ AC బస్సులు, E-మెట్రో ఎక్స్‌ప్రెస్ మరియు సిటీ ఆర్డినరీ బస్సులకు RTC బస్‌పాస్‌ను అందిస్తోంది, కానీ విమానాశ్రయ మార్గంలో పుష్పక్ AC బస్సులకు మాత్రం ఈ బస్ పాస్ చెల్లదని గమనించాలి. నగరంలో 80% ఆక్యుపెన్సీ రేషియోతో ఎలక్ట్రిక్ AC బస్సులకు అధిక డిమాండ్ ఉంది. ఐటీ కారిడార్‌లో 500 బస్సులను నడపాలని ఆర్టీసీ యోచిస్తోంది.