Full Details Of 3 Bharath Rice Centers in Hyderabad: అతి తక్కువ ధరకే ‘భారత్ రైస్’, మరి హైదరాబాద్ లో ఎక్కడ విక్రయిస్తున్నారో తెలుసా?

Bharath Rice Centers in Hyderabad : కేంద్ర ప్రభుత్వం భారత్ రైస్‌ను తాజాగా విడుదల చేసింది. ఢిల్లీలోని కర్తవ్యాపథ్‌లో కేంద్ర మంత్రి పీయూష్ గోయల్ ఈ బియ్యాన్ని  ప్రవేశపెట్టారు. ఈ సన్న బియ్యం చాలా చౌకగా అందుబాటులోకి వస్తుంది. ఇక పేద, మధ్యతరగతి వాళ్ళకి ఇప్పుడు ఉన్న సన్న బియ్యం రేట్లు ఎక్కువ ఉండడంతో ఈ బియ్యం కొంచం ఊరటని ఇచ్చిందనే చెప్పుకోవాలి.

ఈ బియ్యం చవకైన ధర ఉన్నప్పటికీ, ఇది అత్యధిక గ్రేడ్ కలిగిన బియ్యం. ఫిబ్రవరి 6 నుంచి భారత్ రైస్ రాష్ట్రవ్యాప్తంగా విక్రయించబడుతుంది. కాబట్టి, ఈ బియ్యం ప్రస్తుతం మార్కెట్‌లో అందుబాటులో ఉండకపోవచ్చు. కానీ దానిని ఆన్‌లైన్‌లో కొనుగోలు చేయవచ్చు. మరి ఈ బియ్యాన్ని ఆన్ లైన్ లో ఎలా కొనుగోలు చేయాలి అనే విషయాన్ని ఇప్పుడు తెలుసుకుందాం.

ఫుడ్ కార్పొరేషన్ ఆఫ్ ఇండియా (FCI) ఈ బియ్యాన్ని ప్రారంభంలో నేషనల్ అగ్రికల్చరల్ కోఆపరేటివ్ మార్కెటింగ్ ఫెడరేషన్ ఆఫ్ ఇండియా (NAFED) మరియు నేషనల్ కోఆపరేటివ్ కన్స్యూమర్స్ ఫెడరేషన్ ఆఫ్ ఇండియా (National Cooperative Consumers Federation of India) ద్వారా మార్కెట్ చేస్తుంది. మీకు ఈ బియ్యం కావాలంటే, https://www.nafedbazaar.com/product-tag/online-shopping వద్ద Nafed అధికారిక వెబ్‌సైట్‌కి వెళ్లండి. భారతీయ బియ్యం, కాయధాన్యాలు, పంచదార మరియు అనేక రకాల ఇతర ఇంటి కిరాణ ఇక్కడ చవకైన ధరలకు లభిస్తాయి. ఈ బియ్యం 5 మరియు 10 కేజీల బస్తాల్లో లభిస్తాయి.

Also Read : Bharath Rice : మార్కెట్ లోకి వచ్చిన భారత్ రైస్ కిలో రూ. 29కే, సామాన్యుడి ఆకలి తీరుస్తున్నమోడీ ప్రభుత్వం

Area Wise Bharath Rice Centers in Hyderabad:

అయితే హైదరాబాద్ నగరంలో భారత్ రైస్ విక్రయం ఎక్కడ ఉంది అని ప్రజలు వెతుకుతున్నారు.  హైదరాబాద్ లో ఈ ప్రాంతాలలో విక్రయిస్తున్నారు.

• కేంద్రీయ బండార్ – కోఠి
• NAAFED – గన్ పార్క్ దగ్గరలో
• NCCF – సుల్తాన్ బజార్
• త్వరలో మొబైల్ ఔట్లెట్స్ ప్రారంభం

ఈ సదుపాయం కిలో భారతీయ బియ్యాన్ని రూ.29కి విక్రయిస్తుంది. ఈ బియ్యం ఐదు, పది కిలోల బస్తాల్లో లభిస్తుంది. నాఫెడ్‌ (Nafed)లో బియ్యంతోపాటు గోధుమపిండి కిలో రూ.27.50, వేరుశనగ కిలో రూ.60 పలుకుతోంది. నాఫెడ్ మరియు ఇతర ఆన్‌లైన్ ఈ-కామర్స్ కంపెనీలు భారత్ రైస్‌ను విక్రయిస్తున్నాయి. nafedలో కొనుగోలు చేయడానికి, ముందుగా నమోదు చేసుకోండి, ఆపై లాగిన్ చేయండి, మీ చిరునామాను నమోదు చేయండి, ఆపై మీ కొనుగోలు చేయడం ప్రారంభించండి.

ఇప్పటి వరకు కిలో బియ్యం రూ.50 తక్కువ లేదు. నాణ్యమైన సోనా మసూరీ బియ్యం కిలో రూ.60 ఉంటుంది. ఆ ధర భరించలేక ప్రజలు ఇబ్బందులు పడుతున్నారు. ఇప్పుడు కేంద్రం అదే గ్రేడ్ బియ్యాన్ని భారత్ రైస్ పేరుతో కిలో రూ.29కి విక్రయిస్తోంది. ఈ అవకాశాన్ని అందరూ సద్వినియోగం చేసుకోవాలని కేంద్రం పేర్కొంది.