Government Health Schemes: భారత దేశంలో ఆరోగ్య భీమా పథకాలు ఏంటో మీకు తెలుసా? వీటిల్లో చాల పథకాలు ఉచితం!

Government Health Schemes: ప్రజల కోసం ప్రభుత్వాలు విద్య, వైద్యం కోసం ఎన్నో రకాల పథకాలు అమలు చేస్తూ ఉంటాయి. ప్రజలకు నాణ్యమైన వైద్యాన్ని అందించడం మరియు ఆరోగ్య సంరక్షణ కార్యక్రమాలను అమలు చేయడం ప్రభుత్వాల బాధ్యత. దీనిలో భాగంగా, కేంద్ర మరియు రాష్ట్ర ప్రభుత్వాలు అనేక కార్యక్రమాలను అమలు చేస్తున్నాయి మరియు ఆరోగ్య బీమాను అందిస్తున్నాయి.

కేంద్ర, రాష్ట్ర ప్రభుత్వాలు ఆరోగ్య బీమా వ్యవస్థలను ప్రారంభించాయి. అయితే, ఈ సమాజంలోని అన్ని వర్గాలకు అందుబాటులో లేవు. పేద లేదా తక్కువ ఆదాయ వర్గాలకు మాత్రమే వర్తిస్తాయి. ఈ పథకాలు ప్రతి సంవత్సరం రూ.5 లక్షల వరకు ఆరోగ్య బీమాను అందిస్తాయి. మీరు నెలకు రూ.100 చెల్లించి లేదా ఉచితంగా ఈ పథకంలో చేరవచ్చు. ఈ పథకాలు ప్రతి సంవత్సరం రెన్యూవల్ అవుతాయి.

మన దేశంలో ప్రస్తుత ప్రభుత్వ ఆరోగ్య బీమా పథకాలు ఏంటో ఇప్పుడు చూద్దాం:

1. ప్రధాన మంత్రి సురక్ష బీమా యోజన: ప్రజలకు ప్రమాద బీమా కల్పించడం ఈ యోజన లక్ష్యం. 18 నుంచి 70 ఏళ్లలోపు బ్యాంకు ఖాతా ఉన్న ప్రతి ఒక్కరూ దీనికి అర్హులే. ప్రమాదంలో శాశ్వత వైకల్యం లేదామనిషి మరణిస్తే కవరేజీ మొత్తం రూ. 2 లక్షలు అందుతుంది. అదే పాక్షిక వైకల్యానికి రూ.లక్ష కవరేజ్ అందుతుంది.

2. ఆమ్ ఆద్మీ బీమా యోజన (AABY): 18 నుండి 59 సంవత్సరాల వయస్సు గల వారు అర్హులు. కుటుంబ పెద్ద లేదా ఇంట్లో సంపాదకుడికి ఇది కవర్ చేస్తుంది. సహజ మరణానికి రూ.30,000, శాశ్వత అంగవైకల్యంతో మరణిస్తే రూ.75,000 లభిస్తుంది. పేద విద్యార్థులకు కూడా స్కాలర్‌షిప్‌లు అందజేస్తారు.

3. ముఖ్యమంత్రి అమృతం యోజన: ఇది గుజరాత్ ప్రభుత్వ ప్రాజెక్ట్. ఈ కార్యక్రమానికి పేదలు అర్హులు. ఒక్కో కుటుంబానికి రూ. 3 లక్షల వరకు వైద్య ఖర్చులను పాలసీ కవర్ చేస్తుంది. ఈ ఆరోగ్య బీమా పథకాలు ప్రభుత్వ మరియు ప్రైవేట్ సౌకర్యాల వద్ద చికిత్సను కవర్ చేస్తాయి.

4. యూనివర్సల్ హెల్త్ ఇన్సూరెన్స్ స్కీమ్ (UHIS) : తక్కువ-ఆదాయ కుటుంబాల కోసం ఇది ప్రారంభం అయింది. ప్రతి కుటుంబ సభ్యుడు వైద్య చికిత్సల కవరేజ్ ఉంటుంది. అంతేకాకుండా ప్రమాదంలో మరణించిన కవరేజ్ ఉంటుంది.

5. కేంద్ర ప్రభుత్వ ఆరోగ్య పథకం (CGHS): నగరాల్లో నివసించే కేంద్ర ప్రభుత్వ అధికారులు మరియు పెన్షనర్లు అర్హులు. దీంట్లో డయాగ్నస్టిక్స్ టెస్ట్స్ కూడా కవర్ చేస్తారు.

6. ఎంప్లాయీ స్టేట్ ఇన్సూరెన్స్ స్కీమ్ (ESIC): ఈ పథకం దేశంలోని కార్మికులు మరియు వారి కుటుంబాలకు వైద్య సేవలను అందిస్తుంది. పనిలో చేరిన మొదటి రోజు నుండే కవరేజ్ ప్రారంభమవుతుంది. సందర్భాలను బట్టి నగదు కూడా బెనిఫిట్స్ కూడా ఉంటాయి. పది మంది కంటే ఎక్కువ మంది ఉద్యోగులు పనిచేసే శాశ్వత సంస్థలకు మాత్రమే ఇది వర్తిస్తుంది.

7. డాక్టర్ వైఎస్ఆర్ ఆరోగ్యశ్రీ హెల్త్ కేర్ ట్రస్ట్ : డాక్టర్ వైఎస్ఆర్ ఆరోగ్యశ్రీ ట్రస్ట్తో పాటు, ఆంధ్రప్రదేశ్ ప్రభుత్వం నాలుగు ఆరోగ్య పథకాలను అమలు చేసింది. 1. పేదల కోసం డాక్టర్ వైఎస్ఆర్ ఆరోగ్యశ్రీ పథకం 2. దారిద్య్ర రేఖకు ఎగువన ఆరోగ్య రక్ష పథకం 3. వర్కింగ్ జర్నలిస్టుల ఆరోగ్య పథకం 4. ఉద్యోగుల ఆరోగ్య పథకం (EHS)

8. మహాత్మా జ్యోతిబా ఫూలే జన్ ఆరోగ్య యోజన: మహారాష్ట్ర ప్రభుత్వం నిరుపేదలకు, ముఖ్యంగా రైతుల కోసం ఈ పథకాన్ని ప్రారంభించింది. బీమా కొన్ని షరతులకు రూ.1 లక్షన్నర వరకు కవరేజీని అందిస్తుంది. ఒక్కరోజు కూడా వెయిటింగ్ పీరియడ్ ఉండదు.

9. కారుణ్య ఆరోగ్య పథకం : ఈ పథకం కేరళ ప్రభుత్వం ప్రారంభించింది. ఈ వ్యవస్థ ఖరీదైన, దీర్ఘకాలిక మరియు ప్రమాదకరమైన వ్యాధులను కవర్ చేస్తుంది. ఈ కార్యక్రమానికి పేద ప్రజలు మాత్రమే అర్హులు.

10. ఆయుష్మాన్ భారత్ యోజన: భారత ప్రభుత్వం ఈ కార్యక్రమాన్ని అమలు చేసింది. దేశంలోని 40% పైగా జనాభాకు ఉచిత వైద్యం అందించడమే ఈ యోజన యొక్క లక్ష్యం. ఈ పాలసీ కింద గరిష్టంగా రూ. 5 లక్షలు కవరేజి లభిస్తుంది. ఇది మందులు, డయాగ్నస్టిక్స్ టెస్ట్స్, చికిత్సలు, ఆసుపత్రికి సంబంధించిన అన్ని ఖర్చులను కవర్ చేస్తుంది.

11. జనశ్రీ బీమా యోజన: ఇది 18 నుండి 59 సంవత్సరాల వయస్సు గల పేదవారి కోసం ప్రారంభం అయింది. ఇది మహిళా స్వయం-సహాయ సంస్థలు మరియు శిక్షా సహయోగ్ యోజన వంటి ప్రత్యేక అంశాలను కలిగి ఉంది.

12. యశస్విని ఆరోగ్య బీమా పాలసీ: కర్ణాటక రాష్ట్ర ప్రభుత్వం ఈ ఆరోగ్య బీమా పాలసీని అందిస్తోంది. ఈ పథకం సహకార రైతులకు మరియు వారి కుటుంబాలకు ప్రయోజనం చేకూరుస్తుంది. దాదాపు 800 వ్యాధులను కవర్ చేస్తుంది.

13. ముఖ్యమంత్రి సమగ్ర బీమా పథకం: ఇది తమిళనాడు ప్రభుత్వ పథకం. వెయ్యికి పైగా వ్యాధులను కవర్ చేస్తుంది. ఆసుపత్రి ఖర్చులు రూ. 5 లక్షలు క్లెయిమ్ చేయవచ్చు.

14. తెలంగాణ రాష్ట్ర ప్రభుత్వ ఉద్యోగులు మరియు జర్నలిస్టుల ఆరోగ్య పథకం : రాష్ట్ర ప్రభుత్వ ఉద్యోగులు మరియు జర్నలిస్టుల కోసం ఈ పథకం ప్రారంభం అయింది. రిటైర్డ్ పెన్షనర్లకు కూడా ఇది వర్తిస్తుంది. జాబితా చేసిన ఆసుపత్రులలో ఉచిత చికిత్స అందుబాటులో ఉంది.

15. పశ్చిమ బెంగాల్ ఆరోగ్య పథకం: ఈ పథకం ఉద్యోగులు మరియు పెన్షనర్ల కోసం ప్రారంభించడం జరిగింది. దీనికి బీమా రక్షణ రూ. 1 లక్ష వరకు ఉంటుంది. OPD ఆపరేషన్లు కూడా కవర్ చేయవచ్చు.