Mukesh Ambani Death Threat : తెలంగాణ, గుజరాత్ కి చెందిన ఇద్దరిని అరెస్ట్ చేసిన ముంబై పోలీసులు. డబ్బు ఇవ్వకుంటే చంపుతామని అంబానీకి ఇమెయిల్ బెదిరింపులు

రిలయన్స్ ఇండస్ట్రీస్ చైర్మన్ ముఖేష్ అంబానీకి అనేక బెదిరింపు ఇమెయిల్‌లు పంపినందుకు గాను తెలంగాణలోని గాంధీనగర్ మరియు వరంగల్‌కు చెందిన ఇద్దరు వ్యక్తులను ముంబై క్రైమ్ బ్రాంచ్ అదుపులోకి తీసుకున్నట్లు పిటిఐ తెలిపింది.

రిలయన్స్ ఇండస్ట్రీస్ చైర్మన్ ముఖేష్ అంబానీకి శనివారం నాడు మరిన్ని దోపిడీ ఇమెయిల్‌లు వచ్చాయి,

ఇంతకు ముందు పంపిన ఇమెయిల్‌ లో అడిగిన రూ.400 కోట్ల డిమాండ్‌లను పట్టించుకోనందుకు తీవ్ర పరిణామాలు ఉంటాయని బెదిరించారు.

అంతకు ముందు ఎనిమిది రోజుల్లో, అంబానీ కంపెనీ అధికారిక ఇమెయిల్‌కు కనీసం మూడు ఇమెయిల్‌లు అందాయి. డిమాండ్ చేసిన డబ్బు చెల్లించక పోతే అతనిని చంపేస్తామంటూ హెచ్చరించాడు.

తెలంగాణలోని వరంగల్‌కు చెందిన గణేష్ రమేష్ వనరపతి (19), గుజరాత్‌కు చెందిన షాదాబ్ ఖాన్ (21) లను ముంబై పోలీసు క్రైమ్ సెక్షన్ అరెస్టు చేసినట్లు అధికారి తెలిపారు.

Also Read : అంబానీ కంటే అధిక ధనవంతుడు ఈ టీచర్

వనరపతి మరియు ఖాన్ రెండు ఇమెయిల్ చిరునామాల నుండి బెదిరింపు ఇమెయిల్‌లు పంపారు.

అక్టోబరు 27న, అంబానీ ఆఫీస్‌కి రూ. 20 కోట్లు డిమాండ్ చేస్తూ ఒక ఇమెయిల్ వచ్చింది, అతను చెల్లించకపోతే భారతదేశంలోని గొప్ప షూటర్లతో చంపేస్తానని బెదిరించాడు. మరుసటి రోజు మరో ఇమెయిల్ వచ్చింది, రూ. 200 కోట్లు డిమాండ్ చేసి, నెరవేర్చకపోతే మరణ వారెంటు పెడతామని బెదిరించారు.

ముఖేష్ అంబానీ సెక్యూరిటీ చీఫ్ ఫిర్యాదు చేయడంతో గామ్‌దేవి పోలీస్ స్టేషన్ ఎఫ్ఐఆర్ దాఖలు చేసింది.

సోమవారం, అంబానీ సంస్థకు అజ్ఞాత వ్యక్తి నుండి రూ. 400 కోట్లు అభ్యర్థిస్తూ బెదిరింపు ఇమెయిల్ వచ్చింది.

వనరపతి గణేష్ ను న్యాయస్థానం లో హాజరుపరచగా నవంబర్ 8 వరకు పోలీసు కస్టడీకి తీసుకోవాలని న్యాయమూర్తి ఆదేశించారు. మరో నిందితుడు ఖాన్ ఉన్నత విద్యార్హతలు కలిగిన విద్యార్థి అని పోలీసులు పేర్కొన్నారు.

Also Read : Mukesh Ambani Receives Death Threats : ముఖేష్ అంబానీ కి మూడవ హెచ్చరిక, రూ.400 కోట్లు ఇవ్వకుంటే చంపేస్తామంటూ బెదిరింపు ఇమెయిల్

అనుమానితులను భారతీయ శిక్షాస్మృతి లోని (IPC) సెక్షన్లు 387 (ఒక వ్యక్తిని ప్రాణాపాయం లేదా బలవంతపు వసూళ్లకు పాల్పడేలా చేయడం) మరియు 506 (2) (నేరపూరిత బెదిరింపు) కింద అదుపులోకి తీసుకున్నామని, తదుపరి విచారణ కొనసాగుతోందని అధికారి తెలిపారు.

ఇమెయిల్ వచ్చిన తరువాత ముకేశ్ అంబానీ సెక్యూరిటీ ఇన్‌చార్జ్ ఫిర్యాదు మేరకు, ముంబైలోని గామ్‌దేవి పోలీసులు గుర్తు తెలియని వ్యక్తిపై IPC సెక్షన్‌లు 387 (ఒక వ్యక్తిని మరణ భయంలో ఉంచడం లేదా బలవంతపు వసూళ్లకు పాల్పడడం) మరియు 506 (2) (నేరపూరిత బెదిరింపు) కింద కేసు నమోదు చేశారు. .