ఎలక్ట్రిక్ వాహనాలు వాడుతున్నారా? అయితే చలికాలంలో ఈ జాగ్రత్తలు తప్పనిసరి!

Telugu Mirror : చల్లని వాతావరణం మీ ఎలక్ట్రిక్ వాహనాన్ని ఎలా ప్రభావితం చేస్తుంది? చలికాలంలో డ్రైవింగ్ మరియు ఛార్జింగ్ గురించి మీకు పూర్తి  గైడెన్స్ ఇస్తున్నాము.

ఎలక్ట్రిక్ వాహనాలు (EVలు) గత సంవత్సరం కొత్త కార్ల అమ్మకాలలో 14% కంటే ఎక్కువగా ఉన్నాయి ఇంకా 2024 నాటికి 20%కి చేరుకుంటాయని విశ్లేషకులు చెప్తున్నారు. కానీ EVలు జనాదరణ పొందడం వలన, చాలా మంది కొనుగోలుదారులు శీతాకాలంలో అవి బాగా పనిచేస్తా లేదా అని ఆందోళన చెందుతున్నారు.

చల్లటి వాతావరణంలో మీ EV నుండి అత్యధిక ప్రయోజనాలను పొందడం ఎలాగో ఇప్పుడు చూద్దాం. 

కార్లు మనుషుల లాగే పరిసర ఉష్ణోగ్రతలను ఇష్టపడతాయి మరియు పెట్రోల్, డీజిల్ మరియు ఎలక్ట్రిక్ వాహనాలను చల్లని వాతావరణం వలన తక్కువ సామర్థ్యంతో పని చేసేలా చేస్తుంది. బయట ఉష్ణోగ్రత తగ్గినప్పుడు, బ్యాటరీ పరిధి తగ్గుతుంది, అలాగే బ్యాటరీ సామర్థ్యం కూడా తగ్గుతుంది.

విపరీతమైన చలి ఛార్జింగ్ పాయింట్లపై ప్రభావం చూపుతుంది, ఫలితంగా ఎక్కువ సేపు ఛార్జింగ్ పెట్టాల్సి ఉంటుంది. కాబట్టి శీతాకాలంలో ఛార్జింగ్ ప్రాంతాల్లో ఎక్కువ సమయం కార్ ని నిలిపి ఉంచాల్సి వస్తుంది.

Also Read : Satendra Siwal : ఎవరీ సతేంద్ర సివాల్‌? పాకిస్తాన్ ఐఎస్‌ఐ కి భారత దేశ రహస్య సమాచారం అందిస్తున్న మాస్కోలోని భారత రాయబార కార్యాలయ సిబ్బంది

శీతల వాతావరణం బ్యాటరీ పనితీరులో మొత్తం రసాయన ప్రతిచర్య ప్రక్రియను నెమ్మదిస్తుంది. అన్ని ఎలక్ట్రిక్ వాహనాలు ఒకే మొత్తంలో ప్రభావితం కావు అని నిపుణులు చెప్తున్నారు.

నార్వేజియన్ ఆటోమొబైల్ ఫెడరేషన్ (NAF) EVలు ఎలా పనిచేస్తాయో తెలుసుకోవడానికి వాటిపై శీతాకాలం మరియు వేసవి శ్రేణి పరీక్షలను కాలానుగుణంగా నిర్వహిస్తుంది. కారు రెగ్యులర్ గా ఇచ్ఛే రేంజ్‌లో 10% నుండి 30% వరకు పరిధిని కోల్పోతుందని పరిశోధనలు చూపిస్తున్నాయి.

ప్రభావాన్ని తగ్గించడానికి ఏమి చేయాలి?

మీరు మీ కారును గ్యారేజీ మరియు షెడ్స్  వంటి ప్రదేశంలో ఉంచినట్లయితే, బ్యాటరీపై చలి ప్రభావం కొంత వరకు తగ్గుతుంది.

మీరు ఏదైనా దూర ప్రదేశాలకు బయలుదేరినప్పుడు వెహికల్ ని ప్రీ కండిషనింగ్‌ లో కూడా సెటప్ చేయాలి. ఇంటీరియర్ వేడెక్కాలి అంటే బ్యాటరీ నుండే శక్తిని తీసుకోవాల్సి ఉంటుంది. కాబట్టి ఛార్జింగ్ పెట్టుకోవడం మంచిది.

రహదారి పైకి వచ్చినప్పుడు, హీటింగ్‌ను ఆన్ చేయడం వలన వెహికల్ రేంజ్ ని తగ్గిస్తుంది , కాబట్టి సీట్ హీటింగ్ ఆన్ చేయండి, ఇది మొత్తం వాహనాన్ని  హీట్ చేయడంపై  ప్రభావం చూపుతుంది.

వాహనాల పనితీరుని బట్టి టైర్లలోని ఎయిర్ ప్రెషర్ కూడా ప్రభావం చూపుతుంది.  ఉష్ణోగ్రతకు అనుగుణంగా టైర్లలో ఉండే గాలి ఒత్తిడి మారుతూ ఉంటుంది. దీని వల్ల ఈవీల రేంజ్ పై ప్రభావం చూపుతుంది కాబట్టి టైర్స్ లో గాలి సరిపడా ఉందా లేదా అని చెక్ చేసుకోండి.