మీ నిద్రను నాశనం చేసే ముఖ్యమైన అలవాట్లు ,ఆహారాలు ఏంటో తెలుసా

Telugu Mirror : మంచి ఆరోగ్యాన్ని కాపాడుకోవడానికి సమతుల్య ఆహారం మరియు తగినంత వ్యాయామం అవసరం. మన అలవాట్లు మరియు జీవన విధానం మన ఆరోగ్యంపై ఎక్కువ ప్రభావం చూపుతాయి. వీటన్నింటితో పాటు, మన ఆరోగ్యాన్ని కాపాడుకోవడానికి నిద్ర కూడా ముఖ్య పాత్రా పోషిస్తుంది. అయితే, ఈ రోజుల్లో బిజీ లైఫ్ వల్ల మన నిద్ర విధానాలు మారుతున్నాయి. లేట్ నైట్స్ మెలుకువగా ఉండడం వల్ల ఆరోగ్యం పై చెడు ప్రభావం పడుతుంది. అటువంటి పరిస్థితులలో ఆరోగ్యంగా ఉండాలంటే, తగినంత నిద్రపోవడం చాలా ముఖ్యం.

మన నిద్రను ప్రభావితం చేసే కొన్ని అలవాట్లు మరియు ఆహారపు విధానాల వల్ల రాత్రి సరిగ్గా నిద్రపట్టదు. మీరు తరచుగా నిద్రించేందుకు బాధపడుతుంటే, ఈరోజు మీ నిద్రకు భంగం కలిగించే అనేక ఆహార పద్ధతుల గురించి మేము చెబుతున్నాము.

రాత్రి భోజన సమయం:
రాత్రిపూట ఆలస్యంగా తినడం చాలా మందికి అలవాటు. అయితే, ఆలస్యంగా భోజనం చేయడం మీ ఆరోగ్యానికి హానికరంగా మారుతుందని అధ్యయనాలు వెల్లడించాయి. కాబట్టి రాత్రి సమయంలో తొందరగా భోజనం చేయడం మంచిది.

ఆల్కహాల్:
మన సాధారణ ఆరోగ్యం మద్యం వల్ల చెడు ప్రభావం చూపుతుంది. WHO చెప్పినదాని ప్రకారం, ఒక్క చుక్క ఆల్కహాల్ కూడా మీ ఆరోగ్యానికి హాని కలిగిస్తుంది. దీని వల్ల మన ఆరోగ్యం మరియు నిద్ర రెండూ తీవ్రంగా దెబ్బతింటాయి. మీరు ఆల్కహాల్ సేవించి నిద్రపోతే కొంత సమయం తరువాత మేల్కొలనవచ్చు మరియు తిరిగి నిద్రపోవడం ఒక సవాలుగా మారుతుంది.

కార్బోహైడ్రేట్ల ఆహార వనరులు:
రాత్రిపూట తరచుగా తేలికపాటి భోజనం చేయడం మంచిది. నిజానికి, అనేక అధ్యయనాలు రాత్రిపూట కార్బోహైడ్రేట్-రిచ్ ఫుడ్స్ తినడం వల్ల మెలటోనిన్ విడుదల తగ్గిపోతుంది. అందువల్ల నిద్ర మరియు మేల్కొనే అలవాట్లను నియంత్రించడంలో సహాయపడుతుంది.

కెఫిన్:
బిజీ షెడ్యూల్ కారణంగా, ప్రజలు రోజంతా కెఫిన్ ఉన్న పానీయాలను తరచుగా తీసుకుంటారు. కానీ అధిక కెఫీన్ వినియోగం మన ఆరోగ్యంతో పాటు మన నిద్రపై చెడు ప్రభావం చూపుతుంది. వాస్తవానికి, కెఫిన్ అడెనోసిన్ గ్రాహకాలను నిరోధిస్తుంది. ఇది నిద్రకు చెడు ప్రభావం కలిగించవచ్చు.

పడుకునే ముందు అతిగా ఆలోచించడం:
సుదీర్ఘమైన పని తర్వాత, ఒక వ్యక్తి నిద్రపోవడానికి ప్రయత్నించినప్పుడు అతని మైండ్ లో రకరకాల ఆలోచనలు వస్తాయి. ఒత్తిడి, ఆందోళన, నిరాశ మరియు నిద్రలేమితో పోరాడుతున్న వారికి, అతిగా ఆలోచించడం వల్ల నిద్రపోవడం ఒక సవాలుగా మారుతుంది. రాత్రి నిద్రించే సమయం లో సెల్ ఫోన్స్ నుండి కానీ ఇతర పరికరాల నుండి కానీ వెలువడే బ్లూ లైట్ ఎక్స్పోజర్ కళ్ళపై పడి ఆరోగ్యానికి హాని కలిగించడమే కాకుండా, నిద్రపై కూడా ప్రభావం చూపుతుంది. వాస్తవానికి, బ్లూ లైట్ మెలటోనిన్ స్రావాన్ని ప్రభావితం చేస్తుంది. నిద్రించేందుకు సరియైన మరియు ప్రశాంతమైన వాతారణం కూడా అవసరం. రాత్రిపూట ప్రకాశవంతమైన కాంతి లేదా ఏదైనా కృత్రిమ బాహ్య కాంతికి గురికావడం పెద్దలు మరియు వృద్ధుల నిద్రపోయే సామర్థ్యాన్ని దెబ్బతీస్తుందని అనేక అధ్యయనాలు చెబుతున్నాయి.