ఒకాయ నుంచి అదిరిపోయే ఫీచర్స్ తో మరో ఎలక్ట్రిక్ స్కూటర్, ఒక్కసారి ఛార్జ్ చేస్తే చాలు 120 కి.మీ రేంజ్ ఆఫర్ చేస్తుంది

Telugu Mirror : Okaya EV నుండి కొత్త, సరసమైన ధర కలిగిన “Motofaast” ఎలక్ట్రిక్ స్కూటర్ భారతీయ మార్కెట్లో విడుదల కానుంది. ఈ-స్కూటర్‌లో అధునాతన ఫీచర్లు చేర్చారు. ఈ పండుగ సీజన్‌లో, Okaya EV “Motofaast” అనే ఒక కొత్త మరియు సరసమైన ధర కలిగిన ఎలక్ట్రిక్ స్కూటర్‌ను భారత మార్కెట్‌కు పరిచయం చేయాలని Okaya EV అనుకుంటుంది. రాబోతున్న Motofaast యొక్క టీజర్ ను తయారీ దారు అయిన Okaya EV విడుదల చేసింది. Motofaast ఒక ఎలక్ట్రిక్ స్కూటర్, ఇది అత్యాధునిక సాంకేతికతలు మరియు  స్టైలిష్ సొగసైన డిజైన్‌ను కలిగి ఉంటుంది.

Also Read : ఆధార్ కార్డులో మొబైల్ నంబర్ ను మార్చుకోవాలా, అయితే ఇలా ఈజీగా మార్చుకోండి

Okaya EV Motofaast

మోటోఫాస్ట్ ఎలక్ట్రిక్ స్కూటర్  హ్యాండిల్‌ ఒక ప్రత్యేకమైన డిజైన్‌ను కలిగి ఉంది. ఇది గరిష్టంగా గంటకు 70 కి.మీ వేగంతో ప్రయాణిస్తుందని, నగర ప్రజలు రద్దీగా ఉండే ప్రాంతాల గుండా త్వరగా మరియు సులభంగా ప్రయాణించవచ్చని మరియు ప్రతిరోజూ ట్రాఫిక్‌లో చిక్కుకుపోయే సమయాన్ని తగ్గించవచ్చని,  అసౌకర్యాన్ని నివారించవచ్చని చెప్పారు. ఈ స్కూటర్ లో ఒక్కసారి ఛార్జ్ చేస్తే  120 కిలోమీటర్ల దూరం ప్రయాణించగలిగే సామర్ధ్యం ఉంది. సాధారణ ప్రయాణాలకు లేదా దూరం ప్రయాణాలు చేసేటప్పుడు  వినియోగదారులు ఛార్జింగ్ గురించి ఆందోళన చెందాల్సిన అవసరం లేదు. ఇ-స్కూటర్ లిథియం ఐరన్ ఫాస్ఫేట్ (LFP) బ్యాటరీ ని కలిగి ఉండడం వల్ల స్కూటర్ అధికంగా వేడెక్కకుండా ఉంటుంది. అదనంగా, LFP బ్యాటరీలు ఎక్కువ కాలం పని చేస్తాయి.

ఈ  మోటోఫాస్ట్ స్కూటర్  తేలికపాటి అల్లాయ్ వీల్స్‌తో (Alloy wheels) స్టైలిష్ లుక్ తో కనిపిస్తుంది. ఎలక్ట్రిక్ స్కూటర్ యొక్క 7-అంగుళాల కెపాసిటివ్ టచ్‌స్క్రీన్ ఇంటర్‌ఫేస్‌ను కలిగి ఉంది, ఇది వేగం, రైడింగ్ మోడ్, సమయం, బ్యాటరీ శాతం, ఓడోమీటర్ మరియు ట్రిప్ మీటర్‌తో పాటు అనేక వాహన ఫంక్షన్స్ ని ఆపరేట్ చేయడానికి వినియోగదారునికి ఉపయోగపడుతుంది. స్కూటర్‌లో టర్న్ సిగ్నల్స్ మరియు LED ల్యాంప్స్ కూడా ఉన్నాయి. దాని 8-డిగ్రీల Gradeability  తో ఉండడం వల్ల గతుకుల వంటి  రోడ్లపై కూడా స్మూత్ గా ప్రయాణించవచ్చు. స్కూటర్‌లో ముందువైపు టెలిస్కోపిక్ ఫోర్కులు, వెనుకవైపు డిస్క్ బ్రేక్‌లు మరియు shock absorbers ఉన్నాయి. దీని యొక్క ఇంజిన్ మరియు డిజైన్  గురించి కంపెనీ ఇంకా వివరించలేదు.

Also Read : అమెజాన్ సేల్ లో ఫ్రిజ్ లపై భారీ డిస్కౌంట్లు, రిఫ్రిజిరేటర్‌లపై అత్యుత్తమ డీల్‌లను పొందండి

Launch date, Price And colour options

ఈ ఎలక్ట్రిక్ స్కూటర్‌కు అనేక రకాల రంగులు అందుబాటులో ఉండవచ్చు. మోటోఫాస్ట్ ఎలక్ట్రిక్ స్కూటర్ ధర ఒకటి నుండి రెండు లక్షల రూపాయల వరకు ఉంటుందని అంచనా గా చెప్పుకుంటున్నారు. రూ. 2500 చెల్లింపుతో, ఈ ఆకర్షణీయమైన ఇ-స్కూటర్ కోసం ప్రీ-బుకింగ్ ఇప్పటికే ప్రారంభమైంది. Motofaast స్కూటర్ యొక్క ఖచ్చితమైన ప్రారంభ తేదీని ఒకాయ ఇంకా వెల్లడించలేదు. అయితే ఈ స్కూటర్‌ను కంపెనీ ఈ నెలలో విడుదల చేయనున్నట్లు తెలుస్తోంది. వచ్చే నెల, ఒకాయ (Okaya) బహుశా మోటోఫాస్ట్‌ని డెలివరీ చేయడం ప్రారంభించనుంది.