Exclusive Solar Eclipse : 54 ఏళ్ల తర్వాత సంపూర్ణ సూర్యగ్రహణం.. ఈ సమయంలో ఏం చేయోద్దంటే?

Exclusive Solar Eclipse : చైత్ర మాసంలోని అమావాస్య రోజున ఈ ఏడాది (ఏప్రిల్ 8) తొలి సూర్యగ్రహణం (Solar Eclipse) ఏర్పడనుంది. ఇది ఏప్రిల్ 8న రాత్రి 9:12 గంటలకు ప్రారంభమై ఏప్రిల్ 9న తెల్లవారుజామున 2:22 గంటలకు ముగుస్తుంది. వ్యవధి 5 గంటల 10 నిమిషాలు. అయినప్పటికీ, చాలా మంది వ్యక్తులు సూర్యగ్రహణం ప్రజల జీవితాన్ని ప్రభావితం చేస్తుందని నమ్ముతారు. ఇది జ్యోతిష్య శాస్త్రంలో కూడా చాలా ప్రత్యేకంగా పరిగణించబడుతుంది. ఖగోళ శాస్త్రవేత్తల (Astronomers) ప్రకారం, ఏప్రిల్ 8, 2024 న ఏర్పడే సంపూర్ణ సూర్యగ్రహణం దాదాపు 54 సంవత్సరాల తర్వాత ఏర్పడుతుంది.

అయితే ఈ సూర్యగ్రహణం భారతదేశం(India)లో కనిపించదు. ఉత్తర అమెరికా, కెనడా, మెక్సికో, క్యూబా, కోస్టారికా, ఫ్రెంచ్ పాలినేషియా, డొమినికా, జమైకా తదితర దేశాల్లో మాత్రమే కనిపిస్తుంది. ఈ సూర్యగ్రహణం దక్షిణ పసిఫిక్ మహాసముద్రం నుంచి ప్రారంభం కానుంది. అందువల్ల ఈ సూర్యగ్రహణాన్ని సూతకాల కాలంగా పరిగణించరు. అంటే ఈ సూర్యగ్రహణం వల్ల ఎలాంటి ఆధ్యాత్మిక ప్రభావం, భౌతిక ప్రభావం, సూతక్ ప్రభావం లేదా దేశం, ప్రపంచంపై ఎలాంటి మతపరమైన ప్రభావం చూపదని అంటున్నారు.

భూమి, సూర్యుడు మరియు చంద్రుడు సరళ రేఖలో సమలేఖనం చేసినప్పుడు, ప్రపంచంలోని కొంత భాగం పూర్తిగా చీకటిగా మారుతుంది. అప్పుడు సూర్యగ్రహణం ఏర్పడుతుంది. ఈ గ్రహణాన్ని ఎలాంటి పరికరాలు లేకుండా కళ్లు తెరిచి చూడవచ్చని నిపుణులు కనుగొన్నారు.

గ్రహణం సమయంలో ఇలా చేస్తే మంచిది..

• గ్రహణం తర్వాత గంగాజలంలో స్నానం చేయడం వల్ల పుణ్యం లభిస్తుంది. అలాగే, మీ ఇంటిని శుద్ధి చేయండి.
• సూర్యగ్రహణం సమయంలో సూర్యుడిని నేరుగా చూడటం మానుకోండి.
• ఎలాంటి పొరపాట్లు జరగకుండా అదనపు జాగ్రత్తలు తీసుకోవాలి.
• గ్రహణం తర్వాత హనుమంతుడిని పూజించాలి.

గ్రహణ సమయంలో ఇవి చేయకండి..

• జ్యోతిష్య శాస్త్రం ప్రకారం గ్రహణ సమయంలో నిద్రించకూడదు, సూదిలో దారం వేయకూడదు
• శ్మశానవాటిక వంటి నిర్జన ప్రదేశాలకు ఒంటరిగా వెళ్లవద్దు, అలాంటి ప్రదేశాలకు వెళ్లడం వల్ల ప్రతికూల శక్తులు మీపై ప్రభావం చూపనున్నాయి
• ప్రయాణాలకు దూరంగా ఉండాలి, శారీరక సంబంధాలను కూడా నివారించాలి

ఏయే రాశులకు ఏం జరుగుతుందంటే..

వృషభం, మిథునం, కర్కాటకం, సింహ రాశికి చెందిన వ్యక్తులు లాభపడతారు. కోరుకున్న ఉద్యోగం లభించడంతోపాటు వ్యాపారస్తులకు మంచి లాభాలుంటాయి. కష్టానికి తగ్గ ప్రతిఫలం ఉంటుంది. జీవితంలో సంతోషం వెల్లివిరుస్తుంది.

మేష, వృశ్చిక, కన్యా, కుంభ, ధనుస్సు రాశుల వారికి అశుభకరంగా ఉంటుంది. వీరు ఎంతో జాగ్రత్తగా ఉండాలి. ఆర్థికంగా నష్టపోతారు. వ్యాపారస్తులకు సమస్యలు ఎదురవుతాయి. ప్రయాణాలు మానుకోవాలి. ఆరోగ్యంపై దృష్టిపెట్టాలి. గ్రహణం చెడు ప్రభావాన్ని నివారించేందుకు పేదలకు దానం చేయాలి.

గమనిక : పైన పేర్కొన్న సమాచారం వివిధ మాధ్యమాల నుంచి సేకరించబడినది.

Exclusive Solar Eclipse